मन्त्रीबाट विदा भएका नेकपा एसका ४ नेताहरु विद्रोहको तयारीमा

साझापाना २०७९ असार १३ गते १८:०७ मा प्रकाशित

काठमाडौँ । मन्त्रीबाट विदा भएका नेकपा (एकीकृत समाजवादी)का ४ नेताहरुले विद्रोहको तयारी गरेका छन् ।

यसअघि नै उनीहरु पार्टी अध्यक्ष माधवकुमार नेपालविरुद्ध संगठित भएका थिए । तर बहुमत नपुगेपछि ब्याक भए ।

आइतबार मन्त्रीबाट राजीनामा दिएका उनीहरु आजको केन्द्रीय परिषद बैठकमा अनुपस्थित भएर तीव्र असन्तुष्टि देखाएका छन् ।

निवर्तमान मन्त्रीहरु प्रेमबहादुर आले, रामकुमारी झाँक्री, विरोध खतिवडा र किसान श्रेष्ठ बैठकमा अनुपस्थिति भएका हुन् ।

यससँगै नेकपा एसभित्र तरंग पैदा भएको छ ।

प्रेम आले र रामकुमारी झाँक्री कुनैपनि बेला विद्रोहको तयारीमा रहेको बताइएको छ ।

विरोध खतिवडाको पनि असन्तुष्टि छ । किसान श्रेष्ठ नेकपा एकता अभियानमा भित्री रुपमा सामेल भएको बताइएको छ ।

एमालेबाट पार्टी फुटाएर नयाँ पार्टी खोलेका नेपालले नेताहरुलाई व्यवस्थापन गर्न नसक्दा पार्टीको भविष्य नै जोखिममा पर्ने विश्लेषण गरिएको छ ।

क्याटेगोरी : राजनीति, समाचार
ट्याग : #नेकपा एकीकृत समाजवादी

धेरै पढिएका