बाँके र कपिलवस्तुमा थप तीन जनामा काेराेना देखियाे, सङ्क्रमितको सङ्ख्या ४५७ पुग्यो

साझापाना २०७७ जेठ ८ गते २२:३७ मा प्रकाशित

काठमाडाैं : बिहीबार साँझ थप तीन जनामा कोरोना संक्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार भेरी अस्पताल, नेपालगञ्ज र प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा तीन जना सङ्क्रमित थपिएका छन् ।

बाँकेका नरैनापुर ३ का ३२ वर्षीय पुरुष, खजुरा ३ का‌४२ वर्षीया महिला र कपिलवस्तु शुद्धोधन गाउँपालिकाका १९ वर्षीय पुरुषमा सङ्क्रमण पुष्टि भएको हो ।

योसँगै नेपालमा सङ्क्रमितको सङ्ख्या चार सय ५७ पुगेको छ ।