काठमाडौँ, ५ जेठ ः संस्कृति, पर्यटन तथा नागरिक उड्डयन मन्त्री योगेशकुमार भट्टराईले सरकारले कालापानी, लिम्पियाधुरा र लिपुलेक समेटेर नक्सा सार्वजनिक गर्ने निर्णय गरेसंगै २२ बर्ष अघि काठमाडौ देखि कालापानीसम्मको मार्च सम्झेका छन् । आज सामाजिक सञ्जालमा उनले तत्कालिन अनेरास्वविुको अध्यक्ष भएको वेला २०५५ जेठ २२ गते असार ५ गतेसम्म मार्चपार्स गरेको सम्झाना गरेका हुन् । संयोग कस्तो पर्यो भने उनी आज आफै मन्त्रीपरिषद्को सदस्यका हैसियलमा सो अतिक्रमण गरेको भूमि नेपालको नक्सामा सामेल गर्ने निर्णयमा थिए ।
आजै सरकारले कालापानी, लिम्पियाधुरा र लिपुलेक सहितको नयाँ नक्सा बनाउने निर्णय गरेको छ ।

उनले सामाजिक सञ्जालमा यसरी सम्झे

काठमान्डौ कालापानी

२०५५ साल जेष्ठ २२ गतेदेखि असार ५ गतेसम्म बिद्यार्थी र पत्रकार सहित ५७ जनाको टोलीले काठमान्डौदेखि कालापानीसम्मको मार्च गरेको थियो । अनेरास्वबियूको तत्कालिन अध्यक्षका हैसियतले मैले उक्त मार्चको नेतृत्व गरेको थिएँ । काठमाडौदेखि गोकुलेसम्म बसद्वारा र त्यहाँबाट कालापानीसम्म पैदल यात्रा गरिएको थियो । भौगोलिक बिकटता र अत्यन्तै जोखिमपूर्ण बाटो अनि खाने बस्ने ठाउँको अभाबका कारण यात्रा कठिन थियो । तर मिचिएको नेपाली भुमी कालापानी क्षेत्र नेपाललाई फर्काउनु पर्ने अत्यन्तै देशभक्तिपूर्ण माग अनि ठाउँ ठाउँमा स्थानीय दिदिबहिनी तथा दाजुभाईहरुले गर्नु भएको सहयोगले हाम्रो गन्तब्यलाई संभब बनाएको थियो ।

कालापानी हाम्रो हो
छोड् हाम्रो ठाउँ
भारतीय सेना हो
आफ्नै ठाउँमा जाउ

हामीले काठमाडौदेखि कालापानीसम्म गाएको गीत यहि थियो । जो पछि देशब्यापी बन्यो । जन जनमा गुन्जियो ।
आज कालापानी सहित मिचिएको लिम्पियाधुरासम्मको नेपालको नक्शा जारी गर्ने मन्त्रिपरिषद्ले निर्णय गर्दाको क्षणमा मन्त्रीका रुपमा सो बैठकमा सहभागि हुँदा गर्बको अनुभुती गरेको छु ।
कालापानी यात्रामा संगै रहनुभएका सबै साथीहरुको गहिरो संझना भाईरहेको छ ।

https://www.facebook.com/photo.php?fbid=10219783873740730&set=a.2095342716582&type=3&theater

क्याटेगोरी : ब्रेकिंग न्युज, समाचार
ट्याग : #योगेशकुमार भट्टराई

---

---

---