तारकेश्वर चिम्मरपोखरीबाट बालक बेपत्ता, खोजिदिन परिवारको आग्रह

साझा पाना २०८३ असोज १० गते १९:३८ मा प्रकाशित

काठमाडौं । काठमाडौंको तारकेश्वर नगरपालिका–७, चिम्मरपोखरीबाट १५ वर्षीय बिनोद विश्वकर्मा बेपत्ता भएका छन्।

बिनोद ४ असोज, आइतबार दिउँसो करिब ३ः३० बजे घरबाट साइकल लिएर निस्किएका थिए। त्यसपछि उनी परिवारको सम्पर्कमा नआएको र हालसम्म घरसमेत नफर्किएको परिवारले जनाएको छ।

बिनोदका दाइ विशाल विश्वकर्माका अनुसार घरबाट निस्किने क्रममा उनले सेतो ज्याकेट र कालो बक्स पाइन्ट लगाएका थिए। उनीसँग सेतो–निलो रंगको साइकल रहेको परिवारले जनाएको छ।

परिवारले बिनोदको खोजीका लागि आफन्त, स्थानीयवासी तथा सम्बन्धित निकायसँग सहयोगको आग्रह गरेको छ। उनलाई कसैले देखेको वा उनको अवस्थाबारे कुनै जानकारी भए तत्काल परिवारलाई खबर गरिदिन अनुरोध गरिएको छ।

बिनोदबारे कुनै जानकारी प्राप्त भएमा ९७६३५९९८९९, ९८६५९९५२७८, ९७०९५२०५८८ वा ९७४५९००६३९ मा सम्पर्क गर्न परिवारले आग्रह गरेको छ।

क्याटेगोरी : समाचार
ट्याग : #तारकेश्वर चिम्मरपोखरीबाट बालक बेपत्ता