बसुन्धरास्थित एमएन हस्पिटलमा तीजको अवसरमा महिलाहरूलाई विशेष हेल्थ प्याकेज

साझा पाना २०८३ भदौ ४ गते १३:२६ मा प्रकाशित

काठमाडौं । बसुन्धरास्थित एमएन हस्पिटलले नेपाली महिलाहरूको महान् पर्व तीजको अवसरमा महिलाहरूलाई लक्षित गर्दै विशेष स्वास्थ्य परीक्षण प्याकेज सार्वजनिक गरेको छ। अस्पतालले ‘स्वस्थ नारी, समृद्ध परिवार : स्वस्थ महिलाबाट स्वस्थ समाज’ भन्ने नाराका साथ भदौ महिनाभर लागू हुने गरी उक्त अफर ल्याएको हो।

विशेष सहुलियतसहितको हेल्थ प्याकेजमा विशेषज्ञ चिकित्सकको परामर्शसँगै युएसजी एण्ड पेल्भीस, युएसजी ब्रेस्ट, छातीको एक्स–रे, ईसीजी, प्याप स्मेयर, ब्लड सुगर फास्टिङ, क्रियाटिनिन, कोलेस्ट्रोल, थाइराइड, युरिक एसिड, एसजीपीटी, एसजीओटी, सीबीसी तथा युरिन आर/ई लगायतका स्वास्थ्य परीक्षण समावेश गरिएको अस्पतालले जनाएको छ।

अस्पतालका अनुसार यी सबै सेवा समेटिएको तीज विशेष हेल्थ प्याकेज रु ५ हजार ५५५ मा उपलब्ध हुनेछ। महिलाहरूमा देखिन सक्ने विभिन्न स्वास्थ्य समस्याको समयमै पहिचान तथा नियमित स्वास्थ्य परीक्षणलाई प्रोत्साहन गर्ने उद्देश्यले यो विशेष प्याकेज ल्याइएको अस्पतालले जनाएको छ।

क्याटेगोरी : समाचार
ट्याग : #hot, #बसुन्धरास्थित एमएन हस्पिटलमा तीजको अवसरमा महिलाहरूलाई विशेष हेल्थ प्याकेज