बागमतीमा केन्द्रको असन्तुष्टिका बाबजुत पनि राप्रपाका तीनजना मन्त्री बन्दै

साझा पाना २०८३ भदौ ४ गते १३:२० मा प्रकाशित

हेटौंडा । पार्टी केन्दूको असन्तुष्टिका बाबजुत पनि बागमती प्रदेश सरकारमा राप्रपाका तीनजना मन्त्री नियुक्त हुने भएका छन् ।

केन्द्रको निर्देशन विपरीत सरकारमा सहभागी हुने निर्णय गरेको राप्रपाबाट गिरबहादुर तामाङ (ज्ञानुजंग लामा) को नेतृत्वमा सरकारमा सहभागी हुन लागेको हो ।

यता केन्द्र साथै प्रदेश संसदीय दलको सचिवालयले समेत सरकारलाई दिएको समर्थन आधिकारिक नभएको दाबी गरिरहेका छन्। उपनेता लामाका अनुसार उनीसहित राजु विष्ट र राजेन्द्र प्रजापतिले आजै सपथ लिने तयारी छ।

सहमतिअनुसार, ज्ञानुजंग स्वास्थ्य तथा सामाजिक विकासमन्त्री, राजु विष्ट खानेपानी, उर्जा तथा सिँचाइमन्त्री र राजेन्द्र प्रजापति उद्योग, पर्यटन, श्रम तथा यातायातमन्त्री बन्नेछन् ।

क्याटेगोरी : समाचार
ट्याग : #बागमतीमा राप्रपाका तीनजना मन्त्री बन्दै