काठमाडौं । काभ्रेकी २७ वर्षीया सालु गुरुङले काठमाडौंको बौद्धमा आत्मदाह प्रयास गर्दा उनको शरीरको करिब ५० प्रतिशत भाग जलेको छ ।

घटनापछि उनलाई सुरुमा सुष्मा कोइराला मेमोरियल अस्पताल लगिएको थियो । अवस्था गम्भीर भएपछि थप उपचारका लागि कीर्तिपुरस्थित बर्न अस्पतालमा भर्ना गरिएको प्रहरीले जनाएको छ ।

बौद्धमै खाजाघर सञ्चालन गर्दै आएकी विवाहित गुरुङले आत्मदाह प्रयास गर्नुको कारण खुलेको छैन ।

यसअघि काठमाडौंमै मुगुका गणेश नेपालीले आत्मदाह प्रयास गरेका थिए । उपचारकै क्रममा उनको निधन भएको थियो ।

यस्तै, काठमाडौंको बुद्धनगर निवासी ४५ वर्षीय आश्विन राउत र सर्लाहीका विवेक मण्डलले आत्मदाह प्रयास गर्दा उनीहरुको पनि उपचारको क्रममा निधन भएको थियो ।

क्याटेगोरी : समाचार
ट्याग : #breaking, #आत्मदाह प्रयास

---

---

---