काठमाडौं । तारकेश्वर नगरपालिका अन्तर्गत साङ्गला–कुन्चिप्वाक क्षेत्रबाट एक मोटरसाइकल चोरी भएको घटना सार्वजनिक भएको छ। स्थानीयवासी पुकार तामाङको नाममा दर्ता रहेको बा.प्र.०२–०१९ प ११२६ नम्बरको मोटरसाइकल हिजो राति करिब ११:३० बजे चोरी भएको परिवारजनले बताएका छन्।

तामाङका परिवारका अनुसार घटनास्थल वरपर जडान गरिएका सीसीटीभी क्यामेराको फुटेज हेर्दा मोटरसाइकल चिहानडाँडाबाट चुनीतर्फ लगिएको देखिएको छ। चोरी भएको मोटरसाइकल कसैले देखेमा वा घटनासम्बन्धी कुनै जानकारी भएमा सम्बन्धित परिवार तथा प्रहरीलाई जानकारी गराइदिन अनुरोध गरिएको छ।

यस घटनापछि स्थानीयवासीहरूले साङ्गला क्षेत्रमा बढ्दै गइरहेका चोरी तथा आपराधिक गतिविधिप्रति गम्भीर चिन्ता व्यक्त गरेका छन्। उनीहरूका अनुसार पछिल्ला केही महिनायता मोटरसाइकल, घर तथा पशुचौपाया चोरीका घटनामा वृद्धि हुँदै गएको छ।

स्थानीयवासीहरूले साङ्गलामा प्रहरी चौकी स्थापना भए पनि अपेक्षा अनुसार शान्ति सुरक्षा कायम हुन नसकेको गुनासो गरेका छन्।

स्थानिय प्रहरी शान्त सुरक्षा भन्दा पनि पटिङ्ग र बालुवाप्रति लालत बढाएको स्थानियको आरोप छ ।

क्याटेगोरी : समाचार
ट्याग : #प्रहरी चौकी हुँदाहुँदै अपराध बढ्दो, #साङ्गला–कुन्चिप्वाक क्षेत्रमा फेरि मोटरसाइकल चोरी

---

---

---