काठमाडौं । प्रधानमन्त्री बालेन साहलाई मोबाइलमा म्यासेज गरेको आरोपमा प्रहरीले उपराष्ट्रपतिको कार्यालयका सचिव कृष्णहरि पुष्करलाई पक्राउ गरी सोधपुछ गरेर छाडेको छ ।

प्रधानमन्त्री तथा मन्त्रिपरिषद्को कार्यालयको निर्देशनपछि उपत्यका अपराध अनुसन्धान कार्यालयको टोलीले उनलाई बिहीबार राति पक्राउ गरेर करिब ७ घण्टा राखेको थियो ।

सचिव पुष्करले आफू असार २४ गते अवकाशमा जान लागेको र अहिले बहालावाला कर्मचारीले राजदूतका लागि खुला आवेदन भर्न पाउँछन् कि पाउँदैनन् भन्ने जिज्ञासा राखेर म्यासेज पठाएको बुझिएको छ ।

अनुसन्धानमा संलग्न एक प्रहरी अधिकारीका अनुसार सचिव पुष्करले प्रधानमन्त्री साहलाई म्यासेजमा लेखेका थिए, ‘सम्माननीय प्रधानमन्त्रीज्यू सादर नमस्कार । सचिवको कार्यकाल पाँच वर्ष हुन्छ । म मुख्यसचिव हुने सम्भावना छैन । म अवकाश हुने दिन असार २४ गते हो । राजदूतको विज्ञापन खोलिएको रहेछ । मैले फर्म भर्न मिल्छ कि मिल्दैन । हजुरको जानकारीको लागि सादर अनुरोध गर्दछु ।’

क्याटेगोरी : समाचार
ट्याग : #breaking, #प्रधानमन्त्री बालेनलाई म्यासेज गरेको आरोपमा पक्राउ परेका सचिव

---

---

---