मनमैजु युवा समूहद्वारा १३औँ वृहत् सांस्कृतिक तथा कन्सर्ट कार्यक्रम आयोजना हुने

यसै परम्परालाई निरन्तरता दिँदै आगामी वि.सं. २०८२ साल चैत्र २१ गते, शनिबार, श्री अजिमा माइको पवित्र जात्राको अवसर पारेर १३औँ वृहत् मनमैजु सांस्कृतिक तथा कन्सर्ट कार्यक्रम आयोजना गरिने भएको छ। कार्यक्रम मनमैजुस्थित अजिमा मन्दिर परिसर (प्राङ्गण) मा दिउँसो २ बजेबाट सुरु हुने जनाइएको छ।

कार्यक्रममा नेवारी बाजागाजा, नेवारी तथा अन्य सांस्कृतिक नृत्य, गायन, धिमे नाच लगायतका आकर्षक प्रस्तुतीहरू रहनेछन्। साथै विभिन्न संघ–संस्थाहरूका विशेष प्रस्तुती तथा ब्याण्डहरूको सांगीतिक कार्यक्रमले कार्यक्रमलाई अझ मनोरञ्जनात्मक बनाउने अपेक्षा गरिएको छ।

कार्यक्रमलाई स्थानीय निकाय तथा विभिन्न संघ–संस्थाहरूको सहयोग रहनेछ। मनमैजु युवा समूहले सम्पूर्ण श्रद्धालु, स्थानीय बासिन्दा तथा कला–संस्कृतिप्रेमीहरूलाई कार्यक्रममा उपस्थित भई अवलोकन तथा सहभागिता जनाउन हार्दिक अनुरोध गरेको छ।

यस सम्बन्धमा समूहका सचिव सुनील महर्जनले भन्नुभयो,
“मनमैजुको मौलिक कला र संस्कृतिलाई जगेर्ना गर्दै नयाँ पुस्तामा हस्तान्तरण गर्ने हाम्रो मुख्य उद्देश्य हो। यो कार्यक्रम केवल मनोरञ्जन मात्र नभई हाम्रो पहिचान र एकताको प्रतीक पनि हो। सबैलाई कार्यक्रममा उपस्थित भई साथ दिन अनुरोध गर्दछौँ।”