आज एक जनामा संक्रमण, संक्रमित ११० पुगे

साझापाना २०७७ वैशाख २८ गते १०:५२ मा प्रकाशित

काठमाडौँ, २८ वैशाख ः आज पुनः एक जनामा कोरोना भाइरस (कोभिड– १९)को संक्रमण देखिएको छ ।

स्वास्थ्य तथा जनसंख्या मन्त्रालयका सह– प्रवक्ता डा. समिरकुमार अधिकारीले उदयपुरको भुल्केका ४३ बर्षिय महिलामा संक्रमण देखिएको जानकारी दिनुभएको छ । उहाँका अनुसार ती महिलाको विराटनगरको कोशी अस्पतालको प्रयोगशालामा परीक्षणका क्रममा संक्रमण देखिएको हो ।

यो सँगै नेपालमा ११० जनामा कोभिड – १९ को संक्रमण देखिएको छ । ति संक्रमितको स्वास्थ्य अवस्था सामान्य रहनुका साथै स्वास्थ्यकर्मीको निगरानीमा रहेको उहाँले जानकारी दिनुभएको छ ।

नेपालमा पहिलो संक्रमित माघ ९ गते फेला परेको थियो । रासस

क्याटेगोरी : समाचार
ट्याग : #कोभिड १९