नुवाकोट — नुवाकोटको शिवपुरी गाउँपालिका–७ गुरुङगाउँमा सडक दुर्घटना भएको छ। केन्द्रीय कारागार नुवाकोटका प्रमुखले गाडी सिक्ने क्रममा मोटरसाइकललाई ठक्कर दिँदा दुर्घटना भएको स्थानीयले बताएका छन्।

स्थानीयका अनुसार छहरे–टोखा सडकखण्डको व्यस्त सडकमा गाडी चलाउन सिकिरहेका बेला सो गाडीले नेपाली सेनाका कर्मचारी सवार मोटरसाइकललाई सिधै ठक्कर दिएको हो। ठक्करबाट मोटरसाइकलमा सवार सैनिक घाइते भएका छन्।

दुर्घटनापछि घाइतेको अवस्था र उपचारबारे थप विवरण आउन बाँकी रहेको छ। व्यस्त सडकमा गाडी सिक्दा दुर्घटना भएको भन्दै स्थानीयले चिन्ता व्यक्त गरेका छन्।

घटनाबारे प्रहरीले थप अनुसन्धान गरिरहेको जनाएको छ।

क्याटेगोरी : समाचार
ट्याग : #शिवपुरी गुरुङगाउँमा गाडी सिक्ने क्रममा दुर्घटना

---

---

---