कार्यवाहक प्रमुख निर्वाचन आयुक्त रामप्रसाद भण्डारीले अब शान्तिपूर्ण निर्वाचन हुने वातावरण तयार भइसकेको बताएका छन्। प्रारम्भमा शान्ति सुरक्षाको विषयलाई लिएर चासो रहे पनि हाल त्यो अवस्था नरहेको उनको भनाइ छ।

जेनजी आन्दोलनपछि बनेको अन्तरिम सरकार र त्यसपछि घोषणा गरिएको निर्वाचनका कारण सुरक्षाबारे प्रश्न उठ्नु स्वाभाविक भएको उल्लेख गर्दै भण्डारीले आयोगले सरकार तथा सुरक्षा निकायसँग निरन्तर संवाद गरेको जानकारी दिए।

दलका नेता, उम्मेदवार र मतदाताको सुरक्षालाई केन्द्रमा राखेर गरिएको छलफलपछि अहिले सुरक्षा निकाय सक्षम रहेको निष्कर्षमा आयोग पुगेको उनले बताए।

‘अब निर्वाचन ढुक्क र शान्तिपूर्ण हुन्छ,’ भण्डारीले भने, ‘बिथोल्न खोज्ने तत्त्वहरू सुरुमै परास्त भइसकेका छन्।’

क्याटेगोरी : समाचार
ट्याग : #breaking

---

---

---