कोइला नपाउँदा टक्सारका परम्परागत धातु उद्योग प्रभावित

Sajha Pana २०८२ माघ २३ गते १३:४१ मा प्रकाशित

ऐतिहासिक टक्सार बजार औद्योगिक, व्यापारिक तथा सांस्कृतिक पहिचान बोकेको क्षेत्रका रूपमा परिचित छ। यहाँ लामो समयदेखि कांस, तामा र पित्तलका भाँडाकुँडालगायत परम्परागत धातु सामग्री निर्माण हुँदै आएको छ।
पुस्तौँदेखि निरन्तर सञ्चालनमा रहेको यो परम्परागत पेसा पछिल्लो समय धातु पगाल्न आवश्यक कोइलाको अभावका कारण सङ्कटमा पर्दै गएको छ। पञ्चायतकालदेखि बहुदलीय व्यवस्थासम्म टक्सारका धातु उद्योगले लाखौँ रुपैयाँ बराबरका सामग्री उत्पादन गर्दै आएका थिए।
तर आवश्यक कोइला तथा कच्चापदार्थको अभाव, लागत वृद्धि र नयाँ पुस्ताको घट्दो आकर्षणका कारण टक्सार बजार क्रमशः सुनसान बन्दै गएको स्थानीयवासीको भनाइ छ।

क्याटेगोरी : समाचार
ट्याग : #breaking