आज विश्व क्यान्सर दिवस मनाइँदैछ। क्यान्सर रोगप्रति जनचेतना अभिवृद्धि गर्ने, यसको रोकथाम, समयमै पहिचान तथा उपचारमा जोड दिने उद्देश्यका साथ हरेक वर्ष फेब्रुअरी ४ का दिन विश्वभर विभिन्न चेतनामूलक कार्यक्रम गरी यो दिवस मनाइन्छ।

सन् २००० मा फ्रान्सको पेरिसमा आयोजित ‘नयाँ सहस्राब्दीका लागि क्यान्सरविरुद्ध विश्व शिखर सम्मेलन’बाट पारित ‘चार्टर अफ पेरिस अगेन्स्ट क्यान्सर’पछि विश्व क्यान्सर दिवस मनाउने परम्पराको सुरुआत भएको हो।

विश्व स्वास्थ्य सङ्गठन (डब्ल्यूएचओ)का अनुसार विश्वभर हरेक वर्ष करिब १० लाख मानिसको मृत्यु क्यान्सरका कारण हुने गरेको छ। विशेषज्ञहरूका अनुसार धूमपान, तमाखु सेवन, अस्वस्थ खानपान तथा जीवनशैली क्यान्सरका प्रमुख कारण हुन्।

स्वास्थ्यकर्मीहरूले क्यान्सरको समयमै पहिचान र उपचारबाट धेरै हदसम्म ज्यान जोगाउन सकिने भन्दै जीवनशैली सुधार, नियमित स्वास्थ्य परीक्षण र सचेतना आवश्यक रहेको बताएका छन्।

क्याटेगोरी : समाचार

---

---

---