उज्यालो नेपाल पार्टीका अध्यक्ष कुलमान घिसिङले बारा जिल्लाका विभिन्न क्षेत्रको भ्रमण गर्दै मतदातासँग प्रत्यक्ष भेटघाट गरी आफ्नो चुनावी गतिविधिलाई थप सक्रिय बनाएका छन्।

घिसिङले सोमबार बिहान ६ बजे सिमरा विमानस्थलबाट अभियानको सुरुवात गरेका थिए। त्यसपछि उनी लामिडाँडा हुँदै रामनगर पुगेका थिए र पछि टाङ्गिया बस्तीमा आयोजित कोणसभामा सहभागी भएका थिए।

टाङ्गिया बस्तीमा करिब १७ देखि १८ सय घरधुरी रहेका छन्। उक्त क्षेत्र व्यक्ति पहिचानभन्दा पनि जग्गाका आधारमा विभाजन गरिएको छ भने आधारभूत सुविधाको अभाव देखिन्छ।

अध्यक्ष घिसिङले सो बस्तीमा विद्युत् जडानका लागि पहल गरेका छन्, जसले स्थानीय बासिन्दाको दैनिकी सहज हुने विश्वास व्यक्त गरिएको छ। भ्रमणका क्रममा उनी रामनगरमै रात्रीभोज गरी त्यहीँ बसेका थिए।

आज (मंगलबार) घिसिङ कलैया पुगेका थिए, जहाँ उनले भोजन गरेका थिए। त्यसपछि प्रसौना हुँदै पुनः सिमरा विमानस्थलबाट काठमाडौं फर्किएको जानकारी दिइएको छ।

अध्यक्ष घिसिङका अनुसार यस भ्रमणले बारा जिल्लामा पार्टी र मतदाताबीच प्रत्यक्ष संवाद स्थापित हुनुका साथै स्थानीय समस्या नजिकबाट बुझ्न मद्दत गरेको छ।

क्याटेगोरी : समाचार

---

---

---