भीषण हिमपातपछि डोल्पा जाने यात्रु बीच बाटोमै फसे, उद्धारको अपिल

साझा पाना २०८२ माघ १६ गते १२:०३ मा प्रकाशित

काठमाडौंबाट डोल्पा आउँदै गरेका यात्रुहरू भारी हिमपातका कारण मध्यपहाडी लोकमार्गअन्तर्गत रुकुम पूर्व–बागलुङ खण्डमा अलपत्र परेका छन्। बाक्लो हिमपात र चिप्लो सडकका कारण दर्जनौँ सवारीसाधन रोकिएका छन्।

यात्रुहरूका अनुसार अत्यधिक चिसोले समस्या बढेको छ भने केहीको स्वास्थ्य अवस्था कमजोर बन्दै गएको छ। उनीहरूले तत्काल उद्धार, खाना र स्वास्थ्य सहयोगको माग गरेका छन्।

रुकुम पूर्व र बागलुङ प्रशासनका अनुसार हिउँ पन्छाएर सडक खुलाउने प्रयास जारी छ र यात्रुहरूलाई गन्तव्यतर्फ पठाउने तयारी भइरहेको छ।

क्याटेगोरी : समाचार