पहिलो पटक एमालेको राष्ट्रिय राजनीतिमा कर्णालीको ‘इन्ट्री’
नेकपा एमालेको इतिहासमा पहिलो पटक कर्णाली प्रदेशले केन्द्रीय पदाधिकारी पाएको छ। ११औँ राष्ट्रिय महाधिवेशनबाट यामलाल कँडेल केन्द्रीय सचिवमा निर्वाचित हुँदै कर्णालीका लागि ऐतिहासिक उपलब्धि हासिल भएको हो।
२००६ साल वैशाख १० गते स्थापना भएको एमालेमा कर्णालीले पदाधिकारी पाउन करिब सात दशक कुर्नुपरेको थियो। कर्णालीमा पुराना कम्युनिस्ट नेता भए पनि केन्द्रीय नेतृत्वमा पुग्न नसक्नुको कारण लामो समय बहुपदीय प्रणाली नहुनु, प्रभावशाली नेतृत्वको अभाव र केन्द्रको उपेक्षा रहेको एमाले नेता विष्णु रिजाल बताउँछन्।
यसअघि २०४९ सालमा अध्यक्ष–महासचिव प्रणाली सुरु भए पनि कार्यकारी शक्ति महासचिवमै केन्द्रित थियो। पछि २०६५ सालको आठौँ महाधिवेशनबाट एमाले बहुपदीय सामूहिक नेतृत्वमा गएको थियो। तर, त्यस अवधिमा पनि कर्णालीले प्रत्यक्ष पदाधिकारी पाउन सकेको थिएन।
२०७८ सालको दशौँ महाधिवेशनमा कँडेलले सचिवमा दाबी गरे पनि सफल हुन सकेनन्। तर ११औँ महाधिवेशनमा कर्णालीबाट संगठित दबाब, भूगोल र क्षमताको आधारमा गरिएको सशक्त दाबी सफल भएको एमाले कर्णाली प्रदेश अध्यक्ष गुलाबजंग शाहले बताए।
सचिव पदका लागि कर्णालीबाट यामलाल कँडेल र गोरख बोगटीबीच प्रतिस्पर्धा थियो। अन्ततः पार्टी अध्यक्ष केपी शर्मा ओलीले कँडेललाई रोजेपछि बोगटी पछि हटेका थिए।
यसअघि ओलीसँगको सम्बन्ध कमजोर हुँदा कँडेल केन्द्रीय राजनीतिमा अघि बढ्न नसकेको भनिए पनि पछिल्लो समय सम्बन्धमा सुधार आएको नेताहरू बताउँछन्। मुख्यमन्त्रीका रूपमा कँडेलको कार्यसम्पादनप्रति ओली र महासचिव शंकर पोखरेल दुवै सन्तुष्ट देखिएका थिए।
कर्णालीका नेता–कार्यकर्ताले केन्द्रीय नेतृत्वमा प्रतिनिधित्व नहुँदा आफूहरू उपेक्षित भएको महसुस गर्दै आएका थिए। ११औँ महाधिवेशनले त्यो मनोभावनालाई सम्बोधन गरेको उनीहरूको भनाइ छ। अब कर्णालीका मुद्दा पार्टी केन्द्रमा कत्तिको प्रभावकारी रूपमा उठ्छन् भन्ने कुरा कँडेलको चारवर्षे कार्यकालले निर्धारण गर्नेछ।
क्याटेगोरी : समाचार
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्