शिवपुरी कलेजको १६औँ साधारणसभा भव्य रुपमा सम्पन्न

साझा पाना २०८२ मंसीर २७ गते १३:३९ मा प्रकाशित

शिवपुरी कलेज महाराजगञ्ज, काठमाडौंको १६औँ वार्षिक साधारणसभा पूर्व राजदूत तथा पूर्व प्रमुख निर्वाचन आयुक्त आदरणीय सूर्यप्रसाद श्रेष्ठज्यूको प्रमुख आतिथ्यमा सम्पन्न भयो।

कार्यक्रममा कलेज सञ्चालक समितिका उपाध्यक्ष आदरणीय ईश्वर गौतमज्यूले वार्षिक प्रतिवेदन प्रस्तुत गर्नुभयो भने लेखा अधिकृत रतनबहादुर सिंहज्यूले आर्थिक प्रतिवेदन पेस गर्नुभएको थियो।

सो अवसरमा काठमाडौं महानगरपालिका–३ का वडा अध्यक्ष प्रेम थापाज्यू, इन्जिनियर टीका उप्रेतीज्यू तथा तिलिङ्गाटार माध्यमिक विद्यालयका प्रधानाध्यापक सरोजकुमार पाण्डेज्यूले शुभकामना मन्तव्य व्यक्त गर्नुभएको थियो।

कार्यक्रममा अक्षयकोषका संस्थापक डा. चपला कोइराला, दिपेश कोइराला, दिवस कोइराला, समीरराज पाण्डे र शिरिषराज पाण्डेज्यूलाई सम्मान गरिएको थियो।

सभामा उपस्थित अतिथिहरूलाई कलेज सभा सदस्य तथा शिवपुरी मा.वि.का प्र.अ. प्रकाश सुवेदीज्यूले स्वागत गर्नुभएको थियो।

कार्यक्रमको सञ्चालन क्याम्पस प्रमुख दिवाकर दूरदर्शीज्यूले गर्नुभएको थियो भने अन्त्यमा कलेज सञ्चालक समितिका सदस्य सह–प्राध्यापक डा. विजय लाल प्रधानज्यूले धन्यवाद ज्ञापन गर्नुभयो।