भदौ २४ गते मंगलबार देशभर भाटभटेनी सुपरस्टोरका २८ मध्ये २१ शाखामा तोडफोड, लुटपाट र आगजनी भयो। तीमध्ये १२ शाखामा लुटपाटपछि आगजनी र ९ शाखामा केवल लुटपाट र तोडफोड भएको हो। सात शाखा भने सुरक्षित रहे, जसमा टोखा शाखा पनि पर्छ।

टोखा शाखा सुरक्षामा स्थानीय बासिन्दाको ठूलो भूमिका रह्यो। दुई पटक आक्रमणको प्रयास भए पनि स्थानीयले एकजुट भएर स्टोरको रक्षा गरे। रातभर पालो गरेर सुरक्षा दिएका थिए। पछि सेनाले सुरक्षा जिम्मा लिए पनि स्थानीयको निरन्तर सहयोग जारी छ।

स्थानीय सुशीला अधिकारीले “भाटभटेनी जोगाउनु हाम्रो दायित्व हो” भन्दै समुदायको एकताको महत्व बताइन्। कर्मचारीहरूले पनि स्थानीयको सहयोग नपाएको भए स्टोर जलेर सकिने धारणा व्यक्त गरेका छन्।

हाल स्टोर सञ्चालन कहिलेबाट हुने टुंगो छैन।

क्याटेगोरी : समाचार
ट्याग : #टोखावासीको एकताले जोगियो भाटभटेनी

---

---

---