टिचिङमा उपचाररत दुईको अवस्था गम्भीर

साझा पाना २०८२ भदौ २४ गते ०९:४६ मा प्रकाशित

काठमाडौं । जेन–जी युवाहरूले गरेको प्रदर्शनका क्रममा घाइते भएका २५ जना बिरामीको त्रिवि शिक्षण अस्पताल, महाराजगञ्जमा उपचार भइरहेको छ ।

प्रदर्शनमा घाइते भएका सोमबार २९ जनालाई टिचिङ अस्पताल लगिएको थियो । जसमध्ये ६ जनालाई डिस्चार्ज गरिसकिएको छ ।

अस्पतालको सुचना अधिकारी काली प्रसाद रोस्याराका अनुसार एक जनाको मुटुमा समस्या देखिएर मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा रेफर गरिएको छ ।

‘दुई जना गम्भीर खालका बिरामी हुनुहुन्छ । ६ जनालाई शल्यक्रिया गर्नुपर्ने देखिएको छ,’ रोस्याराले भने, ‘दुई जनाको शल्यक्रियाको आजको लागि तयारी गरेका छौं ।’

क्याटेगोरी : समाचार
ट्याग : #टिचिङमा उपचाररत दुईको अवस्था गम्भीर