काठमाडौं । सेयर बजारका बादशाह दीपेन्द्र अग्रवाललाई प्रहरीले पक्राउ गरेको छ । काठमाडौं जिल्ला प्रहरी परिसरले टोखाबाट उनलाई पक्राउ गरेको हो ।

उनलाई ठगी र विश्वासघातको कसूरमा पक्राउ गरिएको परिसरका प्रमुख विश्व अधिकारीले जानकारी दिए । उनीविरुद्ध २२ करोड ठगीको अरोप छ। उनले शेयर कारोबार मार्फत लगानीकर्ता र धितोपत्र दलाल कम्पनीलाई ठगी गरेको भन्दै नेपाल धितोपत्र बोर्डले कारबाही गर्ने प्रक्रिया अघि बढाएको थियो । सोही अनुसार प्रहरीले उनलाई पक्राउ गरेको हो ।

उनले सामाजिक सञ्चालको दूरुपयोग गर्दै शेयर बजारबारे गलत अफवा फैलाउँदै आएका थिए । सामाजिक सञ्चाल टिकटक मार्फत उनले विभिन्न कम्पनीहरुको शेयर खरिद गर्न उक्साउँथे । लगानीकर्ताले सो कम्पनीहरुको शेयर खरिदगर्न थालेपछि उनले सो कम्पनीको शेयर बिक्री गर्ने गरेको प्रहरीको भनाई छ । अग्रवालले १५ वटा टीएमएस आफैले सञ्चालन गर्ने र आफ्नो शेयर आफैले किनबेच गर्ने गर्दथे ।

क्याटेगोरी : समाचार
ट्याग : #breaking, #टोखामा समातिए सेयर बजारका बादशाह

---

---

---