टोखा नगर खेलकुद विकास समितिबाट पाँच संस्थालाई खेलकुद सामग्री वितरण

साझापाना २०८२ असार २५ गते ०८:२८ मा प्रकाशित

टोखा, काठमाडौं । टोखा नगरपालिका अन्तर्गत खेलकुद प्रवर्द्धनका लागि गठित टोखा नगर खेलकुद विकास समितिले पाँच खेल संस्था तथा क्लबहरूलाई खेलकुद सामग्री वितरण गरेको छ।

खेलकुद सामाग्री वितरण कार्यक्रम मंगलबार टोखा नगरपालिकाका नगर प्रमुख प्रकाश अधिकारी, उप–प्रमुख मुरारी तामाङ तथा टोखा नगर खेलकुद विकास समितिका संयोजक तथा वडा नं. ७ का अध्यक्ष नरोत्तम रानाको विशेष उपस्थितिमा सम्पन्न भयो।

खेलकुद सामग्री पाउने संस्थाहरू यस प्रकार छन्:

१. श्री भगवती क्लब
२. सितोरियो दोजाङ
३. गोर्खा खुकुरी मार्सल
४. बाल प्रेमी क्लब
५. किक बक्सिङ क्लब

कार्यक्रममा बोल्दै नगर प्रमुख प्रकाश अधिकारीले भने, “हाम्रो नगरका युवामा खेलकुदप्रतिको आकर्षण बढ्दो छ। हामीले खेलाडी उत्पादन गर्न र खेल संस्कृति प्रवर्द्धन गर्न यस्ता कार्यक्रमलाई निरन्तरता दिँदै आएका छौं। सामग्री वितरणले खेल संस्था र खेलाडीहरूलाई थप प्रेरणा दिनेछ भन्ने विश्वास लिएका छौं।”

कार्यक्रममा उपस्थित अन्य अतिथिहरूले पनि खेलकुदको माध्यमबाट समुदायमा एकता, अनुशासन र नेतृत्व विकास हुने बताए।