तेस्रो पि.एफ.सि खुल्ला फुटसल प्रतियोगिताको तयारी पुरा

साझापाना २०८२ असार १९ गते २०:२८ मा प्रकाशित

प्रदिप ढकाल, भक्तपुर
असार १९ , बिहिवार

पाण्डुबजार फ्रेंडशिप क्लब (पि.एफ.सि)को आयोजनामा “तेस्रो पि.एफ.सि खुल्ला फुटसल प्रतियोगिता” को तयारी पुरा भएको छ।

प्रतियोगितामा जम्मा २४ टोलीको सहभागिता रहने भएको छ। प्रतियोगिताको विजेता टोलीले नगद रु. ५०,००० सहित ट्रफी, मेडल र प्रमाणपत्र प्राप्त गर्नेछ भने उपविजेता टोलीले रु. २५,००० पुरस्कार सहित ट्रफी, मेडल र प्रमाणपत्र प्राप्त गर्नेछ। साथै, उत्कृष्ट खेलाडी, उत्कृष्ट गोलरक्षक, उत्कृष्ट उदीयमान खेलाडि र अनुशासित टोलीलाई पनि पुरस्कार प्रदान गरिने आयोजकले जानकारी दिएका छन्।

प्रतियोगिताको पहिलो खेल एक्स वाई जेड एफ सी र टोखा स्पोर्टिङ क्लब बीच असार २१ गते बिहान ७:०० बजे हुने भएको छ।प्रतियोगिताको सम्पूर्ण खेल पाण्डुबजार स्थीत ख्वप फुटसल एन्ड ट्रेनिङ सेन्टरमा हुनेछ। आयोजक पि.एफ.सि क्लबले तेस्रो पि.एफ.सि कपलाई सव्य, भव्य तथा सफल बनाउने लक्ष्यसहित प्रतियोगिताको तयारी तीव्र रुपमा अघि बढाएको कार्यक्रम संयोजक बिनोद मानन्धरले बताए।