टोखा–९ को आयोजनामा आजदेखि तेस्रो वडा स्तरीय महिला तथा पुरुष फुटसल प्रतियोगिता सुरु

साझापाना २०८२ जेठ २४ गते २०:३५ मा प्रकाशित

काठमाडौं । टोखा वडा नं. ९ को आयोजनामा आजबाट टोखा वडा नं. ९ भित्र रहेका ९ वटै संस्थागत विद्यालयका छात्र र छात्रातर्फको फुटसल प्रतियोगिता सुरु भएको छ । टोखा वडा नं. ९ का वडाअध्यक्ष रामभक्त घिमिरेको सभापतित्वमा भएको आजको कार्यक्रममा प्रमुख प्रशासकिय अधिकृत शेरबहादुर बिसीले खेलाडी विद्यार्थीहरुलाई बल हस्तान्तरण गरेर खेलको शुभारम्भ गरेका थिए ।

कार्यक्रममा बोल्दै टोखा नगरपालिकाको प्रमुख प्रशासयिक अधिकृत शेरबहादुर बिसीले टोखा भगवती क्लव ए डिभिजनमा पुगिसकेको कारण अब राष्ट्रिय टिम नै टोखाबाट छनौट हुने सम्भावना बढेर गएको छ । खेल जित र हारका लागि मात्र नभएर जीवनशैली समेत जोडिएको छ । खेलले अनुशासित नागरिक बनाउने मात्र नभएर स्वस्थ नागरिक बनाउँछ ।

खेलमा सहभागी हुने छात्रहरूमा शौर्यकुञ्ज स्कुल, कामना स्कुल, दीपज्योती स्कुल, कान्तिपुर स्कुल, गुडस्टार स्कुल, विष्णुमती आवाशिय विद्यालय, स्वेतसदन स्कुल, दिव्यकान्ति स्कुल र लार्के स्कुल रहेका छन् ।

छात्रातर्फ सहभागी हुने विद्यालयको संख्या ७ रहेको छ । जसमा स्वेतसदन स्कुल, शौर्यकुञ्ज स्कुल, कान्तिपुर स्कुल, दिव्यक्रान्ति स्कुल, दीपज्योति विद्यालय, कामना स्कुल र लार्के स्कुल रहेका छन् ।

दोस्रो वडास्तरीय खेलमा पुरुषमात्र सहभागी गराइएको भएता पनि अहिले महिलालाई प्राथमिकता दिएर पुरुष र महिला दुबै टिमको खेल हुने वडाअध्यक्ष रामभक्त घिमिरेले बताएका छन् ।