काठमाडौं । रास्वपा सांसद शिशिर खनालले भिजिट भिसा प्रकरणमा प्रधानमन्त्री केपी ओलीले जवाफ र गृहमन्त्री रमेश लेखकले राजीनामा दिनुपर्ने बताएका छन्।

प्रतिनिधि सभाको बैठक स्थगित भएपछि संसद् भवन परिसरमा सञ्चारकर्मीहरूसँग कुरा गर्दै गृहमन्त्री अनुसन्धानको घेरामा आउनुपर्ने बताए।

उनले भने, ‘अब उहाँले नै स्थापित गर्नुभएको संसदमा बोलेको कुरा हो, कुनै पनि प्रकरणमा कुरा उठेपछि राजीनामा दिनुपर्छ भनेर, अब यसमा प्रधानमन्त्रीले जवाफ र गृहमन्त्रीले अनुसन्धानमा सघाउनुपर्छ। हामी गृहमन्त्रीलाई जवाफ दिन दिँदैनौँ। उहाँ अब छानबिनमा रहनुपर्छ।’

उनले सङ्गठित अपराध र सम्पत्ति शुद्धीकरणको मुद्दा जोडिएको विषय भएकाले उच्चस्तरीय आयोग बनाउनुपर्ने अडान दोहोर्‍याए।

क्याटेगोरी : समाचार
ट्याग : #‘प्रधानमन्त्रीले जवाफ दिनुपर्छ, #breaking, #छानबिनमा रहनुपर्ने गृहमन्त्रीले राजीनामा दिने हो सदनमा बोल्ने होइन’

---

---

---