तारकेश्वर-११ मनमैजुले महिलाहरूलाई एडभान्स सिलाई कटाई तालिम प्रदान गर्दै

साझापाना २०८१ चैत्र १८ गते १५:५७ मा प्रकाशित

काठमाडौँ । तारकेश्वर नगरपालिकाले नगर क्षेत्रभित्रका नागरिक, विशेष गरी महिलालाई लक्षित गर्दै स्वरोजगारमूलक तालिमहरू प्रदान गर्दै आएको छ। यसै क्रममा, तारकेश्वर वडा नं. ११ मा स्थायी बसोबास गर्ने महिलाहरूलाई एडभान्स सिलाई कटाई तालिम प्रदान गरिने भएको छ। वडा अध्यक्ष कविराज बस्नेतले एक सूचना जारी गर्दै इच्छुक महिलाहरूलाई तालिममा सहभागीताका लागि आवेदन दिन आग्रह गरेका छन् ।

तारकेश्वरको विकास, रोजगारी सिर्जना, पूर्वाधार निर्माणका कार्यमा सक्रिय रहँदै आएका नगर प्रमुख कृष्णहरी महर्जनको नेतृत्वमा नगरपालिकाले विभिन्न योजनाहरू अघि बढाइरहेको छ। महर्जनले नागरिकहरूको समस्यासँग साक्षात्कार गर्न बिहान ६ बजेदेखि सार्वजनिक विदा शनिबारका दिनपनि चिया गफ कार्यक्रम सञ्चालन गर्दै आएका छन्।

नगरपालिकाले नगर प्रवेशद्वारमा मौलिक शैलीको गेट निर्माण, अटो डिटेक्टिभ सिसि क्यामेरा जडान, सडक बत्तीहरूको व्यवस्थापन जस्ता पूर्वाधार विकासका कार्यहरू पनि गरेको छ।

सिलाई कटाई तालिम (एडभान्स कोर्ष) सम्बन्धी सूचना तारकेश्वर नगरपालिका, वडा नं. ११ मा स्थायी बसोबास गर्ने महिलाहरूलाई लक्षित गर्दै एडभान्स सिलाई कटाई तालिम सञ्चालन गरिने भएको छ। इच्छुक महिलाहरूले उल्लेखित कागजातसहित मिति २०८१/१२/२५ भित्र निवेदन पेश गर्नुपर्नेछ ।

तपशिल: १. योग्यता: सिलाई कटाई तालिमको बेसिक कोर्षको प्रमाणपत्रको प्रतिलिपि। २. नागरिकता प्रमाणपत्रको प्रतिलिपि। ३. स्थायी बसोबासको प्रमाणपत्र (मतदान कार्ड, घरको नक्सापास वा सम्पत्ति कर तिरेको रसिद)। ४. पासपोर्ट साइजको फोटो – १ थान ।