पूर्वपञ्चहरूले नै ज्ञानेन्द्र शाहका आपराधिक काम सार्वजनिक गरेका थिए : महासचिव पोखरेल

साझापाना २०८१ चैत्र १३ गते ११:५३ मा प्रकाशित

काठमाडौं, १४ चैत । नेकपा (एमाले)का महासचिव शंकर पोखरेलले पूर्वराजा ज्ञानेन्द्र शाहको शासनकाल र वर्तमान राजनीतिक परिदृश्यप्रति टिप्पणी गरेका छन् । महासचिव पोखरेलले पूर्वपञ्चहरूद्वारा ज्ञानेन्द्रको कार्यकालका बारेमा गरिने वर्तमान व्याख्यालाई चुनौती दिएका छन् ।

महासचिव पोखरेलले औंल्याएका छन् कि पूर्वपञ्चहरूले नै त्यतिबेला ज्ञानेन्द्रको शासनकालमा राष्ट्र र जनतालाई गम्भीर हानी पुर्‍याउने आपराधिक कार्यहरूका सम्बन्धमा तथ्यहरू सार्वजनिक गरेका थिए । त्यसैबेला पूर्वपञ्चहरूले ज्ञानेन्द्रमाथि गम्भीर आरोपहरू लगाएका थिए । तर अहिले आएर स्वार्थको लागि, ती उही पूर्वपञ्चहरू ज्ञानेन्द्रको प्रशंसा गर्न थालेको महासचिव पोखरेलले टिप्पणी गरेका छन् ।

‘पूर्वराजा ज्ञानेन्द्र अधिराजकुमार हुँदाका समयमा राष्ट्र र जनतालाई गम्भीर हानी पुग्ने अपराधिक काम गरेको विषयलाई पूर्वपञ्चहरुले नै सोही समयमा सार्वजनिक गरेका तथ्यहरु पढ्न पाइन्छ । अहिले आएर स्वार्थको रोटी सेक्नका लागि पूर्वपञ्हरुले उनको गुणगान गाउनु बेग्लै कुरा हो । तर आम जनताले त उनी अपुतालिमा राजा हुँदा समेत असहज मानेकै हुन् ।’ महासचिव पोखरेलले फेसबुकमा लेखेका छन् ।

महासचिव पोखरेलले औंल्याएका छन् कि आम जनताले ज्ञानेन्द्रलाई अपुतालिमा राजा हुँदा नै असहज र अस्वीकार्य मानेका थिए ।

क्याटेगोरी : समाचार
ट्याग : #breaking, #पूर्वपञ्चहरूले नै ज्ञानेन्द्र शाहका आपराधिक काम सार्वजनिक गरेका थिए : महासचिव पोखरेल