देउवा, ओली र प्रचण्डलाई छोटे राजाको संज्ञा दिँदै बाबुरामले भने- छिमेकीले पनि सुँड घुसारेर उचाल्दैछन्

साझापाना २०८१ चैत्र ५ गते १५:२६ मा प्रकाशित

काठमाडौं । नेपाल समाजवादीका अध्यक्ष डा. बाबुराम भट्टराईले राजावादीहरुको प्रदर्शनलाई कुनै महत्व दिन आवश्यक नभएको बताएका छन् ।

प्रत्यक्ष निर्वाचित राष्ट्रपतिको वकालत गर्दै माइतीघरमा गरेको प्रदर्शनलाई सम्बोधन गर्दै जनताले फ्याँकिसकेको राजतन्त्र फर्किन कुनै सम्भावना नरहेको बताए ।

उनले कांग्रेस सभापति शेरबहादुर देउवा, प्रधानमन्त्री केपी शर्मा ओली र नेकपा माओवादी केन्द्रका अध्यक्ष प्रचण्डलाई छोटे राजाको संज्ञा दिए ।

उनले भने, ‘तीनवटा टाउको अहिले देखिएका छन्, तिनीहरुले आफूलाई छोटे राजाको रुपमा पनि देखाउँछन् । संविधान जारी भएको ९ वर्षमा ११ वटा सरकार परिवर्तन भएका छन् । त्यो तीनवटा टाउकोले पालैपालो सरकार चलाइरहेका छन् । सरकारमा रहेसम्म सबै ठिक छ भनेर गफ दिन्छन् ।’

उनले संघीय लोकतान्त्रिक गणतन्त्रको विकल्प नभएको भन्दै दुई छिमेकीले पनि सुँड घुसारेर कहिले कसलाई कहिले कसलाई उचालिरहेको टिप्पणी गरे ।

क्याटेगोरी : समाचार
ट्याग : #breaking, #ओली र प्रचण्डलाई छोटे राजाको संज्ञा दिँदै बाबुरामले भने- छिमेकीले पनि सुँड घुसारेर उचाल्दैछन्, #देउवा