काठमाडौं । संसद भवनबाट बाहिरिँदै गर्दा प्रधानमन्त्री केपी शर्मा ओलीलाई आज पनि केही युट्यूबरले छोपे । नानाथरि प्रश्न सोध्न थालिए ।

 

एक महिला युट्यूबरको आवाज प्रधानमन्त्रीको कानमा पर्यो, ‘नमस्कार प्रधानमन्त्रीज्यू । तपाईंको अनुहार एकदम मलिन देखिएको छ । कसैसँग बोल्न चाहनुहुन्न । राजावादीहरुले त राजालाई वैशाख ११ गते दरबारमा राखेरै छाड्छु भनेको छ नि त ? राजगद्दीमा बसालेरै छाड्ने रे । तपाईंले के भन्न चाहनुहुन्छ ?’

उनको प्रश्न सुनेपछि प्रधानमन्त्री ओली टक्क अडिए । आफ्नै शैलीमा उनले संक्षिप्त जवाफ दिए, ‘राजगद्दीजस्तो कुर्सीमा त तपाईंलाई पनि राख्न सकिन्छ नि । होला… । खुट्टी देख्दै पत्याइयो ।’

 

यति भनेर उनी गाडीतिर लम्किए । थप प्रश्नको सामना गरेनन् ।

क्याटेगोरी : समाचार
ट्याग : #breaking, #राजा फर्किनेबारे प्रधानमन्त्रीको जवाफ- होला… खुट्टि देख्दै पत्याइयो !

---

---

---