बर्दिबास साहित्यिक-सांस्कृतिक प्रतिष्ठानको ६७ औँ शृङ्खला सम्पन्न

साझापाना २०८१ फागुन १० गते १६:१४ मा प्रकाशित

मिति २०८१ साल फागुन १० गते शनिबारका दिन बर्दिबास साहित्यिक-सांस्कृतिक प्रतिष्ठानको ६७ औँ शृङ्खला यस प्रतिष्ठानका अध्यक्ष रामचन्द्र पौडेलको अध्यक्षतामा सम्पन्न भएको छ ।

उक्त शृङ्खला यस प्रतिष्ठानको नियमित कार्यक्रम हो ।सो कार्यक्रममा शुभकामना मन्तव्य व्यक्त गर्ने अतिथिहरुमा प्रगतिशील लेखक सङ्घ नेपालका केन्द्रीय सदस्य तथा प्रतिष्ठानका उपाध्यक्ष जीवनस्पर्शी, प्रगतिशील लेखक सङ्घ नेपालका केन्द्रीय पार्षद अग्नि कवज, प्रगतिशील लेखक सङ्घ नेपालका मधेश प्रदेश अध्यक्ष नारायण घिमिरे, जनसांस्कृतिक महासङ्घ नेपालका केन्द्रीय सदस्य विमला विश्वकर्मा, बुढ्यौली साहित्य समाज धनुषाका अध्यक्ष नानीराम दहाल ‘बन्चरो’, बुढ्यौली साहित्य समाज तथा प्रलेस महोत्तरी सचिव नारद प्रसाद काफ्ले र प्रगतिशील लेखक सङ्घ नेपाल बर्दिबास नगर समितिका सहसचिव यादवराज वाग्ले थिए ।

उक्त कार्यक्रममा सिन्धुलीका कवि गोविन्द प्रसाद काफ्लेले भिडियो मार्फत शुभकामना मन्तव्य व्यक्त गर्दै आफ्ना दुई ओटा सिर्जना वाचन गरेका थिए । यसैगरी कवि नारद प्रसाद काफ्ले, नानीराम दहाल, यादवराज वाग्ले र अग्नि कवज बाट समाजमा विद्यमान समस्याको उठान गरिएका रचना वाचन गरेका थिए ।

कार्यक्रमको अन्तमा सभाध्यक्ष रामचन्द्र पौडेलले प्रतिष्ठानको ६७ औँ पाइलासम्म आइपुग्न उपस्थिति, सहभागीता, हौसला, उत्प्रेरणा दिनुहुने सम्पूर्णप्रति हार्दिक धन्यावाद ज्ञापन गर्दै आगामी दिनमा पनि यस्तै साथसहयोग रहने कुरामा आफू आशावादी रहेको बताए। साथै कार्यक्रम गर्न हल उपलब्ध गराएकोमा गौरीशंकर होटल सञ्चालकप्रति हार्दिक कृतज्ञता प्रकट गर्दै कार्यक्रम समापन गरेका थिए ।