अमेरिकी भिसामा नयाँ नियम- नवीकरणको म्याद घटाइयो, पुन: अन्तरवार्ता दिनुपर्ने

साझापाना २०८१ फागुन ८ गते १३:२३ मा प्रकाशित

काठमाडौं । अमेरिकाले भिजा सकिएको ४८ महिनामा अन्तरवार्ता नगरिकन भिजा नवीकरण हुने प्रावधान हटाएको छ । नयाँ प्रावधानअनुसार ४८ महिनामा भिजा नवीकरण हुने कुरालाई घटाएर १२ महिनामा ल्याइएको छ ।

यस्तै, अब यस्ता लक्षित वर्गका सेवाग्राहिले अनिवार्य अन्तरवार्तामै बस्नुपर्ने भएको छ । यस अघि अन्तरवार्ता नगरिकन भिजा नविकरण हुने प्रावधान गरेको भारतीय अखबार बिजनेस टूडेले उल्लेख गरेको छ ।

उच्च दक्ष पेशाकर्मीलाई दिइने एच-१बी, शैक्षिक कार्यक्रममा आएका अन्तर्राष्ट्रिय विद्यार्थीलाई दिइने एफ-१ तथा छोटो समयमा आएका पर्यटक तथा व्यापारिक क्षेत्रको लागि दिइने बी१/बी२ भिजा लिनेहरुलाई यो प्रावधानले असर गर्ने बताइएको छ ।

यही मंगलबार अमेरिकाको स्टेट डिपार्टमेन्टले एक सन्देश जारी गरेर यस्तो जानकारी दिएको हो ।

क्याटेगोरी : समाचार
ट्याग : #breaking, #अमेरिकी भिसामा नयाँ नियम- नवीकरणको म्याद घटाइयो, #पुन: अन्तरवार्ता दिनुपर्ने