टोखा नगरपालिकाले न्यूनतम रोजगारीका लागि आवेदन आह्वान गर्यो

साझापाना २०८१ फागुन २ गते २०:५७ मा प्रकाशित

टोखा, काठमाडौँ । टोखा नगरपालिका, नगर कार्यपालिकाको कार्यालयले प्रधानमन्त्री रोजगार कार्यक्रम अन्तर्गत चालु आर्थिक वर्ष २०८२/०८३ का लागि बेरोजगार नागरिकहरूलाई न्यूनतम रोजगारीमा संलग्न गराउने उद्देश्यले निवेदन आह्वान गरेको छ।

यस कार्यक्रमअन्तर्गत १८ वर्षदेखि ५९ वर्षसम्म का न्यून आय भएका वा स्वरोजगारमा संलग्न नभएका नेपाली नागरिकहरूले आवेदन दिन सक्नेछन्। बेरोजगार नागरिकहरूले २०७१ फागुन महिनाभित्र आफू स्थायी रूपमा बसोबास गरेको वडा कार्यालयमा सूचीकृत हुनुपर्नेछ।

निवेदन दिन इच्छुक व्यक्तिहरूले तल उल्लेखित कागजातहरू अनिवार्य रूपमा पेश गर्नुपर्नेछ:

नागरिकताको प्रतिलिपि (१ थान)

बसाइँसराइ गरेको भए सो प्रमाणपत्रको प्रतिलिपि (१ थान)

महिलाको हकमा अन्य जिल्लाको नागरिकता भए विवाह दर्ता प्रमाणपत्रको प्रतिलिपि (१ थान)

फारम कसरी प्राप्त गर्ने?

बेरोजगार दर्ता आवेदन फारम pmep.gov.np मा उपलब्ध रहेको छ। फारम प्राप्त गर्नका लागि:

1. pmep.gov.np वेबसाइट खोल्नुहोस्।

2. “हाल प्रचलनमा रहेका कानुनहरू” सेक्सनमा जानुहोस्।

3. “प्रधानमन्त्री रोजगार कार्यक्रम सञ्चालन निर्देशिका २०७५” हेर्नुहोस्।

4. पृष्ठ ३५-४० मा बेरोजगार दर्ता आवेदन फारम उपलब्ध छ।

थप जानकारीका लागि कहाँ सम्पर्क गर्ने?

थप जानकारीका लागि टोखा नगरपालिकाको रोजगार सेवा केन्द्र वा प्रधानमन्त्री रोजगार कार्यक्रमको आधिकारिक वेबसाइट prep.gov.np हेर्न सकिन्छ। साथै, रोजगार संयोजकको मोबाइल नम्बर ९८०३१०००१६ मा सम्पर्क गर्न सकिन्छ।