अपी स्कुलमा सरस्वती पूजाको अवसरमा बिभिन्न भजन , स्तुतिगान र बिज्ञान प्रदर्शनी

साझापाना २०८१ माघ २१ गते ११:५० मा प्रकाशित

काठमाडौंको धापासीमा अवस्थीत अपी स्कुलले यस बर्षको सरस्वती पुजा धुमधामका साथ मनाएको छ । विद्यार्थीहरुलाई व्यावहारिक तथा जीवनोपयोगी शिक्षामा जोड दिँदै आएको यो स्कुल क्षेत्रको उत्कृष्ट विद्यालयका रुपमा समेत परिचित छ । यस विधालयमा यो बर्षको सरस्वती पुजा विशेश महत्त्वका साथमा विद्यार्थी शिक्षक तथा अभिभावक लगायतको सहभागीतामा भव्य रुपमा मनाईएको छ ।

सरस्वती पूजाको अवसरमा आज बिभिन्न भजन , स्तुतिगान , बिज्ञान प्रदर्शनी , चित्र प्रदर्शन गरिएको छ ।

शिक्षाक्षेत्रको जग बलियो बनाएर बालबालिकाहरुलाई राम्रो पढाएर सक्षम नागरिक उत्पादन गर्ने उद्देश्यले स्थापना भएको अपी स्कुलले सहज रुपमा भयरहित तथा व्यावहारमा आधारित शिक्षा प्रदान गर्दै दिनरात खटिरहने सृजनशील र अध्ययनशील शिक्षकहरुको शिक्षणले नै राम्रो नतिजा हासिल गरेर अघि बढन सफल भएको अपी स्कुलका अध्यक्ष लोक राज गीरीले बताउनुभयो ।

श्वेत वस्त्र धारण गरेकी, गोरो वर्णकी, मुस्कुराइरहेकी, सवोत्तम रत्नद्वारा निर्मित आभूषणले सुशोभित, पहिलो हातमा वीणा, दोस्रोमा पुस्तक र तेस्रोमा स्फटिकको माला र चौथो हात अभ मुद्रामा रहेकी देवी सरस्वती हुन् भनी शास्त्रमा उल्लेख छ ।

उनको प्रतिकात्मक चित्र, वहान, हातमा लिएका वाद्ययन्त्र सबैले खास अर्थ बोक्छन् ।उनले हातमा लिएको विणाबाट के पनि बुझिन्छ भने, जीवन धुन हो । यो मधुर हुनुपर्छ । लयवद्ध हुनुपर्छ । कलाले जीवनलाई संगीतमय बनाउँछ । पुस्तकले विद्याको र मालाले निष्ठा र सात्विकताको वोध गराउँछ । सरस्वतीको तस्विरसँगै मयुर देखिन्छ । मयुर सरस्वतीकी वहान हुन् । मयुरालाई सौन्दर्य एवं मधुर स्वरको प्रतिक मानिन्छ ।

विद्यानै मानिसको सौन्दर्य पनि हो ।