संखुवासभाको बार्हबिसे बजारमा आगलागीबाट पाँच घर जल्यो

खांदबारी, २ माघ । संखुवासभाको सभापोखरी गाउँपालिका ६ बाह्रविसे  बजारमा आगलागी हुँदा ५ वटा घर जलेर नष्ट भएको छ ।

आगलागीबाट रामबहादुर राई, अमृता राई, लालसिंह लिम्बुको एकएकवटा र सुरेश तामाङ्गको २ वटा घर जलेको  जिल्ला प्रहरी कार्यालयका प्रहरी निरीक्षक रामकुमार लामिछानेले बताउनुभयो ।

उहाँका अनुसार बुधवार दिउसो २ बजे देखि राम बहादुर राईको घरवाट आगलागी शुरुभएको थियो । नेपाली सेना, प्रहरी र स्थानीयवासी को सक्रियतामा आगो नियन्त्रणमा आएको छ।

आगलागीबाट कति क्षति भयो भन्ने बिवरण आईनसकेको प्रहरीले जनाएको छ ।