दोस्रो तीनपोखरी कपको उपाधी झापाको चुलाचुलीलाई

साझापाना २०८१ माघ २ गते ०९:३४ मा प्रकाशित

खाँदबारी । झापाको चुलाचुली क्लबले खाँदबारीमा सम्पन्न दोस्रो तीनपोखरी आमन्त्रीत कप फुटवलको उपाधी जितेको छ । खाँदबारी रंगशालामा मंगलबार भएको फाईनल खेलमा चुलाचुलीले आयोजक तीनपोखरीलाई २–१ गोलले हरायो । पहिलो हाफको १० औ मिनेटमा तीनपोखरीका खेलाडीले डि एरियामा फल गरेपछि पेनाल्टी सुटआउटबाट चुलाचुलीका तीर्थ बस्नेतले गोल गरेर अग्रता दिलाएका थिए ।

दोश्रो हाफको ७ औ मिनेटमा तीनपोखरीका तर्फबाट मिक्सनल लिम्बुले गोल गरेपछि खेल बराबरीमा आएको थियो । १४ औ मिनेटमा निश्चल बस्नेतले गरेको गोल चुलाचुलीका लागि निर्णायक बनेको थियो ।

बिजेता संगै चुलाचुलीले २ लख २५ हजार पुरस्कार पाएको छ । उपविजेता बनेको आयोजक तीनपोखरी क्लबले १ लाख १० हजारमा चित्त बुझाएको छ । सेमिफाईनलमा पुगकेको एपीएफ कोशी प्रदेश र मोरङको बुल्स ११ ले २५ हजार पुरस्कार पाएको छ ।

प्रतियोगितामा तीनपोखरी क्लबका अभिशेषकुमार खड्का उत्कृष्ट खेलाडी घोसित भए । उत्कृष्ट गोलरक्षक चुलाचुलीका मुस्कान लिम्बु र चुलाचुलीका तीर्थबस्नेतले हाईस्कोरर घोसित भए । माघ २६ देखि चलेको प्रतियोगितामा ८ टिम सहभागी थिए ।