विष्णुमती सफाई अभियानको ३३ औँ हप्ता बुढानिलकण्ठ ६ र टोखा ३ को करिडोर क्षेत्रमा सफाई

साझापाना २०८१ पुस २७ गते २२:०३ मा प्रकाशित

२७ पुस, काठमाडौं । टोखा नगरपालिकाको आयोजनामा ३३ औँ हप्ताको विष्णुमती सफाई अभियान सम्पन्न भएको छ । टोखा वडा नं. ३ र बुढानिलकण्ठ ६ को भन्चोको विष्णुमती करिडोर क्षेत्रमा सम्पन्न भएको छ । आजको सफाई कार्यक्रममा नगर प्रमुख प्रकाश अधिकारी, प्रमुख प्रशासकिय अधिकृत शेरबहादुर बिसीसहित जनप्रतिनिधिहरु, नगर प्रहरि, वातावरण शाखा प्रमुख ई. अनुषा शर्मा, सशस्त्र प्रहरि, लायन्स क्लव अफ काठमाडौं शुभआरम्भ, लायन्स क्लव आर्शिवाद, सरसफाईकर्मीहरु र स्थानीयबासीको सहभागितामा कार्यक्रम सम्पन्न भएको छ ।

चिसो मौसममा पनि सफाईकर्मीहरु हातमा मेडिकल पन्जा लगाएर खोला तथा करिडोर क्षेत्र सफाईमा २ घण्टा सक्रियतापूर्वक सहभागी भएका थिए । टोखा नगरपालिकाले ५० औँ हप्ताको सफाई कार्यक्रम भव्यतापूर्वक मनाउने तयारी गरेको छ । केही दिनमा विष्णुमती सफाई अभियानको अर्को चरणको सफाई कार्यक्रम ग्राण्डी टावरदेखि मनोहरतिर्थ धामसम्म पुन सञ्चालन गर्ने नगरपालिकाले तयारी गरेको छ ।

क्याटेगोरी : समाचार
ट्याग : #breaking, #विष्णुमती सफाई अभियानको ३३ औँ हप्ता बुढानिलकण्ठ ६ र टोखा ३ को करिडोर क्षेत्रमा सफाई