पूर्वाधार निर्माणमा सघाउन मुख्यमन्त्री अनुरोध

साझापाना २०८१ मंसीर २० गते १३:५९ मा प्रकाशित

मङ्सिर २० गते । कर्णाली प्रदेशका मुख्यमन्त्री यामलाल कँडेलले पूर्वाधार निर्माणमा सघाउन नेपालको विकासका साझेदारलाई आग्रह गर्नुभएको छ ।

नेपालका लागि सयुंक्त राष्ट्रसङ्घीय विकास कार्यक्रम (युएनडिपी)का आवासीय प्रतिनिधि क्योको योकोसुकासँग बुधबार भएको भेटमा उहाँले पूर्वाधारको अभावमा शिक्षा, स्वास्थ्यलगायत क्षेत्रमा नेपालले अपेक्षित प्रगति गर्न नसकेकाले विकासका साझेदारहरूको प्राथमिकता भौतिक पूर्वाधार पनि हुनुपर्नेमा जोड दिनुभयो ।

आवासीय प्रतिनिधि योकोसुकाले मुख्यमन्त्रीले प्रस्तुत गर्नुभएको सुझावप्रति सकारात्मक जवाफ दिनुभएको थियो ।

क्याटेगोरी : समाचार
ट्याग : #पूर्वाधार निर्माणमा सघाउन मुख्यमन्त्री अनुरोध