दरबारमार्गमा फोहोर गरेको भन्दै काठमाडौं महानगरद्वारा एमालेलाई एक लाख जरिवाना

साझापाना २०८१ मंसीर ७ गते २०:३५ मा प्रकाशित

काठमाडौं । काठमाडौं महानगरपालिकाले नेकपा एमालेलाई एक लाख रुपैयाँको जरिवाना तोकेको छ ।

बिहीबार दरबारमार्गस्थित एमालेले गरेको जागरण सभाका क्रममा सडक तथा सडकपेटीमा जथाभावी फोहरमैला गरी वातावरण प्रदुषण गरेको भन्दै महानगरले एमालेलाई जरिवाना तोकिएको नगर प्रहरी निरीक्षक लिलाराज गाछाले जानकारी दिएका छन् ।

महानगरले फोहरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ बमोजिम एमालेलाई जरिवाना तोकिएको जनाएको छ ।

एमालेले आज जागरण सभा गरेको थियो । जसमा हजारौंको सहभागीता रहेको थियो ।