डा. कोजू भुई मान्छेका कवि हुन्:- साहित्यकार रसिक

साझापाना २०८१ असोज २२ गते ११:३० मा प्रकाशित

प्रदीप ढकाल ,भक्तपुर
असोज २२,मंगलवार

जन साहित्य मञ्च भक्तपुर र रोम्बस सेकेण्डरी स्कूलको संयुक्त आयोजनामा कबिता भोज तथा शुभकामना आदान प्रदान कार्यक्रम सम्पन्न भएको छ ।

भक्तपुर कमलबिनायकस्थीत रोम्बस सेकेण्डरी स्कूलको हलमा भएको उक्त कार्यक्रममा कबि डा. राजेन्द्र कोजूले आफ्नौ कविता संग्रहबाट केहि कबिता प्रस्तुत गरेका थिए । आउदैं गरेको वडा दशैं, शुभ दिपावली, नेपाल सम्वत तधा छठ पर्वको पावन अवसरमा आयोजित उक्त कार्यक्रममा कवि कोजुले वाचन गरेको कविता र गजललाई वरिष्ठ साहित्यकार कृष्ण प्रजापति, लाल बहादुर भुजेल, जितेन्द्र रसिक लगायतले त्यसको समिक्षा गरेका थिए।

कार्यक्रमका प्रमुख अतिथी ने.क.पा. (एमाले) केन्द्रीय सदस्य सोम मिश्र रहेका थिए। यसैगरि कार्यक्रममा ने.क.पा. (एस) केन्द्रीय सदस्य ध्रुबराज बिस्ट लगायत बिभिन्न क्षेत्रका साहित्य प्रेमीहरुको उपस्थिति रहेको थियो। प्रमुख अतिथी सोम मिश्रले डा. कोजूले कबितामार्फ़त नेपाली लोकसाहित्यमा, संस्कृति र कला, नेपाली लेखन शैली र मौलिकतामा अतुलनिए योगदान दिईरहेको जनाएका थिए।त्यसैगरी अतिथी ध्रुबराज बिस्टले डा. कोजूको कविता सशक्त र प्रभावकारी हुने गरेको बताए। साहित्यकार जितेन्द्र रसिकले डा. कोजूका कविताको रोचकताबारे पनि प्रकाश पार्नुभयो ।