बागलुङमा जिप दुर्घटना, ३ जनाको मृत्यु

साझापाना २०८१ भदौ २८ गते १०:४९ मा प्रकाशित

बागलुङ, २८ भदौ । गलकोट नगरपालिका–२ भुङ्खानीमा जिप दुर्घटना हुँदा तीन जनाको मृत्यु भएको छ भने एक जना घाइते भएका छन् । दुर्घटनामा दुई महिला र एक पुरुषको मृत्यु भएको हो ।

बागलुङ जिल्ला प्रहरी कार्यालयका प्रहरी निरीक्षक प्रताप पौडेलकाअनुसार गलकोटतर्फ गइरहेको जिप आज बिहान दुर्घटना भएको हो ।

दुर्घटनामा घाइते भएका र ज्यान गुमाएकाको परिचय खुल्न सकेको छैन । दुर्घटनामा एक पुरुष घाइते भएका छन् । प्रहरी घटनास्थलमा पुगेर उद्धारमा जुटेको छ । घाइतेलाई उद्धार गरी बागलुङ अस्पताल पठाइएको छ ।

क्याटेगोरी : समाचार
ट्याग : #३ जनाको मृत्यु, #बागलुङमा जिप दुर्घटना