झापाको कचनकवलमा दशगजामा भारतीयले बाटो खन्न थाले, नेपालीको अवरोध

विराटनगर । झापाको कचनकवल गाउँपालिका वडा नम्बर-१ घेराबारीमा भारतीय पक्षले दशगजामा बाटो खनेपछि विवाद उत्पन्न भएको छ ।दशगजामा बाटो खनेको भन्दै नेपाली स्थानीयले अवरोध गरेपछि विवाद उत्पन्न भएको हो । दुई देशबीचको सिमानाको १० गज खाली राख्नु पर्ने अन्तर्राष्ट्रिय नियम छ ।

शनिबार दिउँसोबाट भारतीहरूले दशगजामा बाटो खनेकोमा स्थानीयले दिउँसै अवरोध गरेका थिए । दिउँसो नेपाली स्थानीयले अवरोध गरेपछि बन्द भएको बाटो खन्ने काम आइतबार बिहानको रातिबाट शुरु गरेको कचनकवल गाउँपालिका वडा नम्बर-१ का वडाध्यक्ष महावीर लिम्बुले बताए ।

झापाका प्रमुख जिल्ला अधिकारी बन्धुप्रसाद बास्तोलाले दशगजा नजिकै सडक खनिएपछि दुवै पक्षबिच विवाद भएको बताए । विवाद बढेपछि काम बन्द गरेर छलफल भइरहेको बास्तोलाले बताए ।