पूर्वबाट काठमाडौँ आउँदै गरेको बुलेरो गाडी सुनकोशीमा खस्यो

साझापाना २०८१ भदौ ८ गते १९:५६ मा प्रकाशित

काठमाडौँ, भदौ ८ गते। पूर्वबाट काठमाडौँ आउँदै गरेको बुलेरो गाडी सुनकोशी नदीमा खसेर बेपत्ता भएको छ। सशस्त्र प्रहरीका अनुसार साँझ पौने ६ बजे सिन्धुली जिल्लाको गलान्जोर गाउँपालिका १ मध्यपहाडी लोकमार्गको कुडेलबाट डबल क्याप बुलेरो गाडी सुनकोशी नदीमा खसेको हो।

दुर्घटनाको खबर पाएलगत्तै सशस्त्र प्रहरी बल नेपाल विपद् व्यवस्थापन बेश खुर्कोटबाट गोताखोल टोली घटनास्थलमा पुगेको छ। गाडीमा चार जना सवार थिए। एक जनालाई घाइते अवस्थामा प्रहरीले उद्धार गरेको छ। उनले हामफालेर ज्यान बचाएको बताएका छन्। उद्धार गरिएका व्यक्ति सामान्य घाइते भएको र थप विवरण आउन बाँकी रहेको प्रहरीले जनाएको छ। गाडीको नम्बरसमेत खुल्न सकेको छैन।

क्याटेगोरी : समाचार
ट्याग : #breaking, #पूर्वबाट काठमाडौँ आउँदै गरेको बुलेरो गाडी सुनकोशीमा खस्यो