पाठेघर फुटेर शिसुको मृत्यु भएपछि सेनाको हेलिकप्टरबाट सुत्केरीको उद्धार

सुजन बज्राचार्य फोटो पत्रकार २०८१ साउन २७ गते १५:०२ मा प्रकाशित

खाँदबारी – जिल्ला अस्पताल संखुवासभाबाट पाठेघर फुटेर गर्भमा भएको शिसुको मृत्यु भएपछि आईतबार एक महिलालाई सेनाको हेलिकप्टरबाट उद्धार गरिएको छ । भोजपुर षडानन्द ५ की ३३ बर्षीया नानीमैैया मगरलाई राष्टपति हवाई उद्धार कार्यक्रम अन्तर्गत सेनाको हेलिकप्टरबाट उद्धार गरिएको हो ।

जिल्ला अस्पताल संखुवासभाका डा प्रदिप श्रीवालका अनुसार आईतबार बिहान ६ बजेदेखि अत्याधिक रक्तश्राब भएर उनको पाठेघर फुटेको थियो । पाठेघर फुटे लगत्तै गर्भमा रहेको कम्तिमा ४२ हप्ताको शिसुको मृत्यु भएको उहाँले बताउनुभयो ।

जिल्लामा उपचार संभव नभएपछि उनलाई दुर्गम क्षेत्रका ज्यान जोखिममा परेका गर्भवती तथा सुत्केरी महिलाहरुका लागि हवाई उद्धार कार्यबिधि अनुसार उद्धार गरिएको स्वास्थ्य कार्यालयका सुरक्षित मातृत्व प्रमुख भवानी तिम्सिनाले बताउनुभयो । उनलाई थप उपचारका लागि परोपकार प्रसूती गृह तथा स्त्री रोग अस्पताल लगिएको छ ।

—-