गर्मी बढेपछि घोराहीमा दुई दिन विद्यालय बन्द

साझापाना २०८१ जेठ ३० गते १६:४७ मा प्रकाशित

घोराही, जेठ ३० गते । दाङमा गर्मी बढेपछि घोराही उपमहानगरपालिकाले दुई दिन विद्यालय बन्द गर्ने निर्णय गरेको छ । दाङको घोराही उपमहानगरपालिकाले बुधबार सूचना प्रकाशित गर्दै वर्षे बिदाबाट कट्टी हुने गरी यहि जेठको ३१ र ३२ गतेका दिन विद्यालयहरुलाई बिदा दिने निर्णय गरेको हो ।

घोराही उपमहानगरपालिकाको शैक्षिक क्यालेण्डर अनुसार साउन महिनाको १७ र १८ गतेको बिदा कट्टी हुने अहिले विद्यालय बन्द गर्ने निर्णय गरिएको घोराही उपमहानगरपालिका प्रमुख प्रशासकिय अधिकृत ऋषिराम केसीले जानकारी दिनुभएको छ ।

केही दिनयता बढेको अत्यधिक गर्मीका कारण विद्यालयमा अध्ययनरत विद्यार्थीहरु बिरामी पर्न थालेको सूचना आउन थालेपछि विद्यालयमा सार्वजनिक विदा दिइएको प्रमुख प्रशासकिय अधिकृत केसीले जानकारी दिनुभएको छ ।

जिल्लामा बढेको अत्यधिक गर्मीका कारण बुधबार तुलसीपुर उपमहानगरपालिका ११ स्थित अमर मावि उरहरीमा ६ जना विद्यार्थी बिरामी बेहोस भएका थिए । जल तथा मौसम विज्ञान कार्यालय घोराहीका अनुसार बुधबार जिल्लामा ४० डिग्रीसम्म तापक्रम मापन गरिएको छ ।

क्याटेगोरी : समाचार
ट्याग : #breaking, #गर्मी बढेपछि घोराहीमा दुई दिन विद्यालय बन्द