सिन्धुपाल्चोक । सिन्धुपाल्चोकको पाल्चोकमा नेपालकै ठुलो घण्ट बन्ने भएको । आज एक कार्यक्रमका बिच प्रकाश मानव सेवा आश्रमका संरक्षक तान्त्रिक गुरु प्रकाश भुजेलद्वारा ठुलो घण्टको शिलान्यास गरिएको हो । पाल्चोकमा निर्माण हुन लागेको घण्ट ६ हजार किलोको हुने जयवागेश्वरी पाल्चोकी माई ठुलो घण्ट निर्माण व्यवस्थापन समितिले जानकारी गरायो ।
हाल नेपालकै ठुलो ५५५५ किलोको घण्ट बागलुङमा रहेको छ । पाल्चोकमा बन्ने घण्ट ६००० किलोको रहने र २ बर्षमा बनाउने लक्ष्य लिएको जयवागेश्वरी पाल्चोकी माई ठुलो घण्ट निर्माण व्यवस्थापन समितिले जनाएको छ ।
ठुलो घण्ट निर्माणको लागी प्रमुख अतिथि प्रकाश भुजेलले २० लाख २० हजार सहयोग गर्नुभएको हो । ‘पिता तर्फबाट १० लाख, माताको तर्फबाट १० लाख र प्रमुख अतिथि प्रकाश भुजेल बाट २० हजार सहयागको घोषर्णा सहित । भुजेलले २ लाख २० हजार नगद र १८ लाखको चेक समितिलाई हस्तान्तरण गराउनु भयो । सबैलाई सहयोग गर्न समेत उहाँले आग्रह पनि गर्नुभयो । कार्यक्रममा मन्तव्य राख्दै पण्डित नारायण प्रसाद खनालले पाल्चोक सम्म आउने बाटो राम्रो बनाउन पर्ने
जोड दिनुभयो । ‘यहाँ खानेबस्ने राम्रो व्यवस्था होस’, उहाँले भन्नुभयो ‘यसले पर्यटन प्रवर्द्वनलाई निकै ठुलो टेवा पुग्ने विश्वास दिलाउनु भयो ।
९ वटा देविहरूको पुजा गरेर नवाहा ज्ञान महायज्ञ समेत गरिने खनालले जानकारी दिनुभयो । घण्ट बनाउन ३ करोड ३० लाख खर्च लाग्ने आयोजकले बताएको छ ।
श्री जयवागेश्वरी पाल्चोकी माई ठुलो घण्ट निर्माण व्यवस्थापन समिति तथा मन्दिर व्यवस्थापन मुल समितिको आयोजनामा भोलि बाट फागुन ६ गते आइतवार सम्म नवाहा ज्ञान महायज्ञ पं श्री राम कृष्ण सुवेदी तथा नारायण प्रसाद खनालले वाचन गर्नुहुनेछ ।
पाल्चोकमा नेपालकै ठुलो घण्ट निर्माणको लागि बिष्णु बहादुर बराइलीले ५ लाख, प्रकाश मानव सेवाका अध्यक्ष श्याम खडाकाले १ लाख पाँच हजार सहयोग गर्ने प्रतिवद्वता ब्यक्त गर्नुभएको छ । सहयोग आउने क्रम जारी रहेको घण्ट व्यवस्थापन समितिका अध्यक्ष पदम बहादुर खड्काले जानकारी दिनुभयो ।
पूजा गर्ने समयमा घण्टा र नगरा बजाउने परम्परा रहेको छ । तलेजु भवानी मल्ल राजाहरूका इष्टदेवी हुन् । अहिले निर्माण कार्य चलिरहेकाले तलेजुमा पूजा भने हुँदैन । तर हरेक दिन घण्ट र नगरा भने सँगसँगै १०८ पटक बज्छन् ।

थप समाचार

टोखा नगरपालिकाको दोस्रो नगर खेलकुद प्रतियोगिता सुरु, वादोकाई करातेबाट उद्घाटन,…

रास्वपा बैठकमा उठ्यो रवि–बालेन सम्बन्धको चिसोदेखि न्यायाधीशको महाभियोग

अर्नब चक्रवातको प्रभाव कमजोर हुँदै, मौसममा क्रमिक सुधार

कुलेखानी जलाशय भरिँदै, तल्लो तटीय क्षेत्रका बासिन्दालाई सतर्क रहन आग्रह