एमाले टोखा ७ को अधिवेशन सम्पन्न , नविनथापा मगरको अध्यक्षतामा २१ कार्यसमिति सर्बसम्मत(सूचि सहित)

साझापाना २०८० माघ १३ गते १९:१२ मा प्रकाशित

टोखा काठमाडौ । ने क पा एमाले टोखा वडा नं ७ को अधिवेशन सम्पन्न भएको छ । नेकपा एमाले बरिष्ठ उपाध्यक्ष ईश्वर पोखरेलको प्रमुख आतिथ्यतामा सम्पन्न भएको अधिवेशनले नविन थापा मगरको अध्यक्षतामा सर्वसम्मत २१ सदस्यिय वडा कमिटि गठन गरेको छ । जसको उपाध्यक्षमा कमला पाण्डे पाठक , सचिवमा सपना राणा चयन हुनु भएको एमाले नेता सबिन श्रेष्ठले बताउनुभयो । ।

कार्यक्रममा प्रदेश कमिटि सदस्य तथा नगर ईन्चार्ज रामकृष्ण श्रेष्ठ , जिल्ला कमिटि अध्यक्ष दिपक निरौला , वडा अध्यक्ष नरोत्तम राणा ,
नगरकमिटि सचिवालय सदस्य तथा वडा ईन्चार्ज गोपी पाठक लगायतका एमाले नेता तथा कार्यकर्ताहरुको बाक्लो उपस्थीती रहेको थियो ।

वडा अधिवेशनमा नेकपा ९एमाले०का वरिष्ठ उपाध्यक्ष ईश्वर पोखरेलले एमाले बाहेकका पार्टीले देश चलाउन नसक्ने बताउनुभएको छ ।उहाँले एमालेलाई एकातर्फ राखेर सबै मिलेर सिद्ध्याउने योजनामा लागेका भन्दै देश बनाउने काम एमाले बाहेक अरुले नसक्ने बताउनुभयो ।

गौरवशाली इतिहास र भविष्य नभएका पार्टीले देश विकास गर्न नसक्ने उहाँको भनाई थियो ।