अवैध लागूऔषधसहित जुम्लाबाट एक जना पक्राउ

साझापाना २०८० मंसीर १ गते १२:०८ मा प्रकाशित

जुम्ला, चन्दननाथ नगरपालिका-५ बाट अवैध लागूऔषध ब्राउनसुगर जस्तो देखिने पदार्थ करिब १ सय मिलिग्रामसहित गुठीचौर गाउँपालिका-३ बस्ने १९ वर्षीय तपेन्द्र बुढथापालाई बिहीबार दिउँसो प्रहरीले पक्राउ गरेको छ ।

जिल्ला प्रहरी कार्यालय जुम्लाबाट खटिएको प्रहरीले तलासी लिने क्रममा तपेन्द्रले साथमा रहेको प्लाष्टिकले बेरेको पुरिया मुखमा हाली निलेकोले निजलाई नियन्त्रणमा लिई कर्णाली स्वास्थ्य बिज्ञान प्रतिष्ठान जुम्लामा लगि उपचार गराउने क्रममा ४ वटा पुरियामा रहेको उक्त पदार्थ निकालिएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।

क्याटेगोरी : अपराध/सुरक्षा, समाचार
ट्याग : #पक्राउ