भूकम्प प्रभावितलाई कांग्रेसका कोशी प्रदेशसभा सदस्यहरुले १५ दिनको पारिश्रमिक दिने

साझापाना २०८० कात्तिक २० गते १६:०९ मा प्रकाशित

२० विराटनगर । जाजरकोट भूकम्प पीडितका लागि नेपाली कांग्रेसको कोशी प्रदेश संसदीय दलले प्रदेशसभा सदस्यहरुको १५ दिनको पारिश्रमिक दिने निर्णय गरेको छ ।

सोमबार बसेको कांग्रेस संसदीय दलको बैठकले प्रदेशसभा सदस्यहरुको १५ दिनको पारिश्रमिक सहयोग गर्ने निर्णय गरेको कांग्रेस सांसद भूपेन्द्र राईले जानकारी दिए । कोशीमा कांग्रेसका २९ प्रदेशसभा सदस्य छन् ।

कोशीमा राप्रपाले प्रदेशसभा सदस्यहरुको एक महिनाको पारिश्रमिक दिने निर्णय गरेको छ । सोमबार बसेको संसदीय दलको बैठकले एक महिनाको पारिश्रमिक दिने निर्णय गरेका राप्रपा सांसद गोपालबहादुर विश्वकर्माले बताए । कोशीमा राप्रपाका ६ प्रदेशसभा सदस्य छन् ।

क्याटेगोरी : समाचार