काठमाडौँ, १८ कात्तिक । जाजरकोट भूकम्पका घाइतेहरुलाई थप उपचारका लागि काठमाडौँमा पनि ल्याइने बताइएपछि वीर अस्पताल र राष्ट्रिय ट्रमा सेन्टरलाई तयारी अवस्थामा राखिएको छ ।

चिकित्सा विज्ञान राष्ट्रिय प्रतिष्ठान (न्याम्स)का उपकुलपति प्राडा भुपेन्द्रकुमार बस्नेतले दुबै अस्पतालका एम्बुलेन्सहरुलाई त्रिभुवन विमानस्थलमा पठाइएको र वीर तथा ट्रमा सेन्टरमा इमरजेन्सी, ओटी र आईसीयू तयारी अवस्थामा राखिएको बताए ।

‘हामीलाई काठमाडौँ पनि घाइतेहरुलाई ल्याईदैछ तयारी हुनु भन्ने निर्देशन आयो । त्यस लगत्तै हामीले वीर र ट्रमा पदाधिकारीसहित आकस्मिक बैठक बस्यौँ र तयारी गर्‍यौँ । अहिले एम्बुलेन्सहरु एयरपोर्ट पुगेको छ । ट्रमा सेन्टरका इमरजेन्सी ३८ बेड भूकम्पका घाइतेका लागि तयारी अवस्थामा राखिएको छ । आईसीयू र ओटी वीर र ट्रमाका दुबै तयारी अवस्थामा छन्,’ उपकुलपति प्राडा बस्नेतले भने ।

वीरका चिकित्सकले जाजरकोट पुगेर काम सुरु गरे
यसैबीच गएरातीको भूकम्पबाट घाइते भएकाहरुको उपचार गर्न वीर अस्पतालबाट डा खुस्बु झाको नेतृत्वमा गएको चिकित्सक टोलीले जाजरकोट अस्पताल पुगेर काम सुरु गरेको छ ।

उपकुलपति प्राडा बस्नेतले वीरको टोलीले जाजरकोट पुगेर उपचार सेवामा खटिईसकेको बताए ।

 

जाजरकोटमा काठमाडौँबाट वीर, नेपाली सेना, नेपाल प्रहरीका अस्पतालबाट मात्रै ४१ जना चिकित्सक, नर्स तथा प्यारामेडिक्सको टोली जाजरकोट गएको छ ।

सरकारले जाजरकोट भूकम्पका घाइतेलाई थप उपचारका लागि काठमाडौँ पनि ल्याउनु पर्न सक्ने बताएपछि चिकित्सा विज्ञान राष्ट्रिय प्रतिष्ठान

क्याटेगोरी : समाचार, स्वास्थ्य

---

---

---